$$يـــــــــــاوطـنــــــــــــا$$

[مهند الطيــــب]

ياو طنا

يلي بيك احنا انولدنا

ومن ثدي دجله اوفرات اشكد رضعنا

ياوطنا… شكثر بربوعك كعدنا

ومانسينا… شكثر فوك ترابك المحبوب نمنا

ومن نسمعك تندب انت او تستغيث

ايزود ويغركنا همنا

لجل حزنك ياعراق احنا حزنا

ومادرينا… ذياب يبلادي الغزتنا

ومادرينا… شلون باكوها شمسنا

ياعراق…. سنين ضاعتبين حسرة وآه ومصايب جرعنا

ومايفيده ضماد لا لا

ولايفيده الشد جرحنا

وهذا حدنا

كافي ذله

وياهو بالعالم جرع ذله مثلنا

شلون ننذل

وحنا من حسين جم ثورة اقتبسنا

وهذا حدنا

اليوم يعراق انتبهنا

اليوم اجينا امسلحين

وبسم ابو السجاد نهتف

عالي ايرفرف علمنا

زلمك احنا

…او مايهمنا الموت لجلك مايهمنا

ياوطنا

…لجلك اتهون الحياة

او لجلك انضحي بعمرنا

عهد منااولازم انوافي ابعهدنا

ياعراق….

.مانساوم بيك بس انت املنا

رجالك احنا امحزمين

او موت بالعزة كصدنا

لازم انحرر ربوعك

ونسكي اشجار المحنةابفيض دمنا

شلون نغفى

وانت يابو الخيرمحروم المحنه

شلون تغمض عينااويطبك جفنا

ونت بين اعداك يعراقي ذليل

عيب نومتنه ابمذله

شلون وعلى الذله نمنا

ماهو عيب الجان هاجرنا وبعدنا

العيب كل العيب

لو يسكت تفكنا

وعار كل العار لو يخلص فشكنا

ياعراق…

لاتصيح ارجالي وين

احنا كبل الصيحه شدينا حزمنا

ومايهمنا

…حت لو ميت الف طاغي اويزيد

يعود بيك
نسير ونواصل هدفنا

حتى لو كل احنا متنا

لجن من نسمع ابصوتك تستغيث

انكوم ونشكك جفنا

ياعراق

ٍِ

لازم ايطر من بعد ليل الظلم بالعز فجرنا

ولازم غيوم الظلاله

انزيلها او تطلع شمسنا

ياعراق…

ارجالك احنا

مانهم لو الف بركان اليفجرونه ابدربنا

لازم انحقق هدفنا

لازم انحقق هدفنا

مع تحياتي لا تنسونا بردودكم الجميله

[ramy]

ياعراق….

.مانساوم بيك بس انت املنا

رجالك احنا امحزمين

او موت بالعزة كصدنا

لازم انحرر ربوعك

ونسكي اشجار المحنةابفيض دمنا


أن كان للكلام روعه فأنت مصدره

الله يعز غاليك ومقدارك

عسي الله لايحرمنا هالتواصل

[NdOoOoOosh]

صح لسانك (مهند الطيب)
كلام رائع .. والاروع من كتبه ...
تقبل مروري ..

[مهند الطيــــب]

شكراً أخي رامي وشكراً أختي ندوووش أنتي الأجمل يا ندوووش انتي الأحلى يا ندوووش أنتي أختي يا ندوووش
انتي محبتي ياندوووش هههه شكراً لكي ياغاليه والله أنتي أختي فعلاً لان ردودكي جميله وهي اللي جعلتني أتابع في هذا المنتدى وشكراً لأخي رامي شكراً جزيلاً

[الشاعر]

مشكوووووور

حبيبي رامي على هذا الكلام جميل
والله مانوفي العراق شمانكتب
اسمحلي ان اشكر الاخ رامي على هذا الرد الجميل وروحة الاخوية
تقبل مروري الخجول
وانشاء الله ارد بقصيدة

مــــــع تـــــحــــــياتـــي

._.،،،،‘’‘’‘***،،,,الـــــــــشـــــــــــاعـــــر,,,،،***’‘’‘’‘،،،،._.