وهاد الموضوع فقط للعزابية لانو متل ما بقوله بعد الجيزة ببلش النكد والغزل بكون في المناسبات الرسمية فقط لاغير
طيب يلا بلا كترت حكي وخلينا ندخل في المفيد
اول اشي كيف بدك تغازل الصبية ؟؟؟
لو فرضنا انو الصبية اعطتك ريق حلو وحكت معك... كيف رح تتصرف معها وشو رح تحكيلها ؟؟؟
خلينا نشوف مع بعض الطريق الاكثر امان من خلال بعض الاسئلة وكيف لازم ترد عليها
س : فلنفرض انها سألتك مين هوي المطرب المفضل عندك ؟؟
ج : ما تروح تعملي فيها ابو المفهومية وانك بتحب تسمع لأم كلثوم وعبد الحليم حافظ
بتقلها بكل رواق والله يا عيوني المطربين صارو متل بعض ومش شايف فيهم ولا واحد مميز بس اذا حبيت اسمع بسمع لسيلين ديون ان ريكي جلاسيس بريان ادمز بارفاروتي وهاد الاخير مطرب شعبي عندهم بجيبوه في الحفلات والاعراس
س : طيب حاليا سألتك هي ... بتحب الشعر ؟؟
ج : حذاري ثم حذاري تيجي تقلها ... اه اكييييييد
زي الي عنجد يعني.. بتعملي حالك سرحان في الجواب مع قصف مكثف من النظرات لعيونها اذا كانت جنبك
بالاضافه لتنهيدة عميقه وبتقلها ... من بعد الشاعر الكبير نزار قباني الله يرحمه والشاعر أحمد أبو الهيجاء الله يطولنا بعمره ما ضل اشي اسمو شعر حلووة أحمد أبو الهيجاء هاي والله ما عرفت حالي
س : وين بتدرس ؟؟
الجواب التقليدي ... كلية العلوم الادارية , كلية الاداب ... الخ
الاجابة المبتكرة ولسه طالعه طازة من الفرن ... والله اجتني بعثه دراسة في " ناسا " بس متأجله شوي بسبب المشاكل بين كوبا وامريكا لانو النجم الي بدي ادرسه جاي بالضبط بالضبط فوق سما كوبا وحاليا مستني يحلو المشكله حتى اروح على بريطانيا .. سوري قصدي امريكا
س : شو بتحب تعمل بوقت فراغك ؟؟
ج : بالعاده بتكون الاجابة سباحة , كمبيوتر , انترنت , كرة قدم .. الخ
بس في الكم عندي اجابة خطيرة , بتقلها ... بوقت الفراغ بحب اطلع اخييم في المناطق الطبيعية وباخد معي عدة الصيد احلى اشي الصيد ماشي سوقه تمام التمام الكل صار صياد ومش بس هيك الصيد في الو ميزة تانيه وهي انو البنات ما بيعرفه عنه اي اشي يعني خد راحتك انصب واخرط على كيفك بس مش تروح تبالغ وتقول صدت اخر مره اسد , يعني قول اشي موجود في الاردن متل البطريق والدب القطبي والكانغر اشي زي هيك يعني
س : وين اكتر اشي بتحب تسافر ؟؟
اوعك تروح تقلها بالصيف اروبا او امريكا... وبالاعياد القاهرة او بيروت , غلــط غلــــط بلاش تقلك شو رايك نتقابل هناك ... يم بتحطك بالزاويه وقتها وما بتعرف ادبر حالك
شوف بتقلها بالصيف على روسيا عند ابن خالتي في السفارة هناك وبنستاجر كوخ في غابات الصنوبر
اما في اجازات الاعياد احكيلها بروح على الصين او هولندا او جزر المالديف المهم تمشي حالك حبيبي .. انا عارفك بحدك سوريا بالصيف وفي الاعياد وادي رم
س : عرفت بنات قبلي ؟؟
ج : الجواب القديم على هالسؤال ايه عرفت وما صار نصيب افترقنا , غلــط غلط غلـط
ما تقول هالجملة لانها صارت قديمة ومليانه غبرة , بتقلها سامحيني هادي اسرار , وكل ما جربت ترجعك لنفس السؤال تألم وتنهد تنهيدة قوية زي ام كلثوم في انت عمري وما تجرب تسألها هالسؤال لانك رح تسمع اجابة ملفقة فيا ريت تختصر على حالك الوقت وتعيرنا سكوتك
س : بتقبل تتجوز بنت كان الها علاقة قبلك ؟؟
ج : هاد السؤال الي بقطع الخلف عنجد ... وياما شباب متل الوردة راحو دعس بسبب هاد السؤال
بس انا عندي الكم الحل : شوف كيف الجواب بكون اول اشي خليك هادي وشملك نتفت هوى وقول الي بدي اقلك اياه حاليا ولا تزيد ولا تنقص حرف :
" حياة كل انسان هي ملك الو, واحنا ما بنقدر نحاسب العالم على ماضيهم لأنو كل واحد فينا عندو ماضي
اللي بطلبه من شريكة عمري انها تكون مخلصة الي وتحبني لاني بكل ما بقدر رح احبها واكون مخلص الها ورح احافظ عليها , ولو في يوم من الايام وقفت عن حبي بتمنى انها تخبرني "
ملاحظة بسيطة : الي فيكم ما بيحفظ منيح بيقدر يكتب هالكلمتين على ورقة , وهالجملة ترى بتسوى وزنها ذهب... مجربة وعلى مسؤوليتي
رح تقلك البنت وهي مذهولة ياااااا ريييييييت كل الناس بتفكر متلك , اما اذا ما قالتلك هالعبارة
وصارت تجيبلك سيرة المجتمع والعادات والتقاليد بهاي اللحظة
قح - أعطس - أشرق – سويلك اي اشي يطلعك من الموضوع وتنفد بريشك وبتمنى اكون اقدرت اساعدك واذا ما استفدت اعتير حالك عبيط ورووح بيع حمالة ملانة بشارع السعادة .
كيف تغازل البنات
reem
العرض العادي
