قريت في احد المنتديات انو المراة كائن ممسوخ وخفي الملامح ؟؟؟؟؟
كيف الكلام دا .......؟؟؟؟؟؟
البنت بتعمل كريمات بتلبس لينسز بتغير لون شعرها وتعمل حمام زيت او سشوار بتشيل حواجبها وبتركب رموش ولو ضعيفة بتسمن ولو سمينة بتضعف بتعمل منكير وبدكير والحنا والرسم والساونا والبخار ...........................الخ
انا مافاهمة وين المشكلة كل انسان في الدنيا عندو اهتمامة وما من العدل ان الواحد ينتقد الناس وينسي نفسوا الكتب الموضوع دا ولد خلوني اوصفو ليكم ولد عاطل ودمو تقيل قاعد تحت العامود ماعندوا اي شغلة غير انو يتفرج علي الماشي والجاي لقي انو اي بت تعجبو مامدياهو وش لانو مابيعجب حتي روحو دي لو خيروها بتقول طلعوني سريع بيقضي وقتو كييف ؟؟؟قال بيحب الكورة اليوم كلو من نادي لي نادي وبيتفرج علي المباريات في الليل بيغطي علي العطالة بتاعتو بي انو البلد دي الله يمرقني منها ......!!!!
سبحان الله
الراجل برضو بيحتاج لي اهتمام واولها النظافة وحلاقة الدقن والريحة وغير كدا كل انسان علي حسب طبيعه جسمة في البعض جسمهم ناشف بيحتاج لي ترطيب والبعض التاني عكسهم ............. طيب لية الانتقاد !!!
كل كائن حي في الدنيا دي عندها اهتماماتها امسك من النملة بتلقي انها في حاجات بتعملها كل يوم من غير ماتزهج امسك النحلة بتلقي نفس الشي لي ديل مابنقول انهم ممسوخين
انا شايفة غير كدا
( ان لبدنك عليك حق ) ممكن توروني معناها شنو طبعا مامعناها التجميل بس بس برضو ممكن تكون جزء .....صح يابنات
(ان الله جميل يحب الجمال ) انا ماشايفة انو الاهتمام بي النفس مافيهو اي عيب ولا غلط ولا انو انا ببقي ممسوخة طبيعة جلد المراة غير عن الرجل جلدها رقيق وبيحتاج لي اهتمام شديد كل شي في المرأة حساس العيون والجلد والاظافر وحتي الرجلين كل شي فيها بيحتاج لي عناية والقصد بيكون الاحساس بي الرضا انو مافيها عيب ولا فيها شي ناقص وطبعا الكمال لله
مع العلم انو في بعض البنات بيبالغو شديد في الكريمات والمستحضرات الضارة المافيها اي وصف وبعدين بتضرهم (ديل النوعية الانا مابتكلم عنها )
[اي ولد في الدنيا دي بتعجبو البت الحلوة والمرتبة والمهتمة بي روحها عمره ماعجبتو البت الحايمة في الشمس ولونها زي عبايتها
ولا شنو ياجماعة
طيب ممكن زوول يرد علي عشان انا اعرف
ممكن انا اكون غلط بس لية بيقولو انو الجمال بقي ممسوخ
اكيد عشان عمليات التجميل
انا معاكم بس في نوع من العمليات بيعالج تشوة معين نتيجة حادث او خلقة ودي انا شفت في رأي الدين انو مافيها اي ضير او خطأ بس انو خشمي سغير امشي اكبرو او اجر عيني لي فوق او الحاجات البتبقيني ما انا
ما اضن انها بتجمل البت
وخلي الباقي يكملوا الموضوع وياريت الاولاد يقولو لي
كائن ممسوخ خفي الملامح؟
العرض العادي
