حبيبتي أسطر لكي هذه الكلمات من اعمااااااق قلبي
اعذريها .. نعم اعذريها تلك الكلمات ان لم تستطع التعبير عن مدى حبي
و لكن كلي أمل على ان تصل الى قلبك الرقيق و تهز قليلا من كبرياءك
( والله و طلعت شاعر يا قابعها و انت ما تدري اثرك منتب سهل وين دايم السيف عنك )
حبيبتي...يامصيبتي...ياسعبولتي
مالي اراك دوما بالحوش منسدحه
والبساسه من حولك منبطحه
ما أجملك وانتي بالزنوبات تركضين
انتي بين الفتيات
هم حبوب الكيرم وانتي الخمسين
هم الجحه و انتي الــســكين
انتي الفلته ...وهم مستدلخين
حبيبتي...انتي عسيب نخله...بل انتي ركبة نمله
انتي لينا وانا عدنان
انا سوق الخضرة..وانتي صندوق بردقان
حبيبتي..تراي جوعان
ياصندوق البردقون...ياغطا جالون....يادعاية صابون
ياسيارة بلا طبلون...ياقمله لازقه بشطرطون
حبيبتي انا بدونك
زي طلعة شباب بدون القطه
زي الغدا بدون سلطه
زي الشاورما بدون شطه
زي الكورلا بدون شنطه
حبيبتي...انتي السكه وانا القطار
انتي المطرقة..وانا المسمار
انتي المنقله وانا الفرجار
حبيبتي..فيه احد ياكل سلطة بدون خيار
ياخيارة حياتي...يابويبينة لمباتي
بالأخير..بسألك سؤال صريح
هذي سيقانك...والا مراجيح
ياحـبيـبي ترى حـبـك رجـنـي رج الـلـبـن
بديت مافـرق هو الكيري قـشطه والا جـبـن
هيلة...وبعد ان اضناها الشوق..وتحركت مشاعرها بعد قراءتها لخاطرة
قابعها
العاطفية..ردت عليه..بهذه الخاطرة
حبيبي
ماذا تبي
ياكثرك..ياحبي
اشتاق لك شوق مهوب بسيط..حبي ينقط بقلبي تنقيط
يابعد براميل شارع التفحيط
حبيبي
خذني الى الحوش..لكي نلهو.. ونلعب.. مصاقيل
ونسمع اخبار بوش..واركض قدامك ..وتطلع العصاقيل
حبيبي...ياشلختن من تسبدي
حبيبي...أنا غيرك مابــــدي
حبيبي..أنت الجنوط...وأنا الكفرات
أنت راس المعسل...وانا الجمرات
أنت الددسن وأنا الصندوق....انت اللحمه وانا المرقوق
ياحبيبي...يادفتري المشقوق...احبك كثر البيض المسلوق
حياتي بدونك..حوسة...والخشة معفوسه
وشعري..شوشة..والكشة منفوشه..وبالحوش تلقاني من ابوي مفروشة
حبيبي.. ترى نبي كيلو كوسة
أتذكرك..وانا آكل سليق...كتبت اسمك على غطا بريق
انت بدنيتي..زي الريموت للــتلـفزيون...ومثل الغطا لــلقوطي
وبدون شوفك اصير باب بدون كيلون...وزي النكته بلا حوطي
__________________
اعذروني اخواني لاني ما قدرت اعدل فيها لان في كلمات ما فهمت معانيها فنقلتها كما هي
تحياتي لكم
06-10-2008, 05:03 AM
غزل مصرقع ومصرقعه
العرض العادي
