اي نوع من الاطفال كنت؟؟ اعترف

sendrella · 04-06-2008, 06:42 PM

اي نوع من الأطفال كنت .؟؟ اعتراف .....!!

لما كنا صغار كانت الدنيا علوم

لكن لما كنت صغير اي نوع من الأطفال كنت ..

الطفل البريء ..

في البيت تلاقيه حبووووب وطبيعي 100%

لكن مع دخوله المدرسة .. ( تنمحي ) شخصيته ..

فتكثر الاصابات في وجهه .. لأنه ما يدافع عن نفسه ..

الطفل العنيد

يطبق نظام البيت بالعكس .. يسوي اللي براسه ..

ما يخاف من اماما او البابا .. لو قلت له هذا خطر لا تقربه .. عناد فيك يسويه ..

يا كثر ما يضرب في طفولته .. ومع ذلك عنيد ما يغير رايه ..

الطفل الحنان

يستخدم وسيلة الحنة لتلبية رغباته

له نغمه خاصه في البيت ..

تلبي رغباته غصب عنك .. يعانون اهله من الصداع المستمر ..

الطفل المادي

هذا الطفل مايرد السلام الا ( بفلوس ) ..

تعامله مع اهل البيت .. مادى بحت ..

يستخدمونه لتوصيل طلبات المترل .. ونقل السوالف .. وكل شيء بحسابه ..

الطفل الفتان

تلاقي عند هذا النوع جميع اخبار البيت ..

يلاقي المتعه في اذلال غيره بالفتنه عليه .. ماله خاتمه ..

هذا الطفل حتي لو شريت سكوته بفلوس ..

توقع تلقي اخبارك ثانى يوم في الصفحة الرئيسية .. في الجريدة الرسمية ..

الطفل الدلوعة

هذا دلوع ماما وبابا .. يكرهونه باقي الاطفال لانه مرفه وشايف نفسه عليهم ..

تلبي رغباته قبل ليطلبها .. شخصيته اتكاليه جدا ..

الطفل العله

يزعجك بأسئلته الي ما تنتهي .. يستفسر من كل شيء .. حتي لو عطست ..

قالك شلون عطست .. وليش عطست .. وشلون تكونت العطسه ..

يحرجك احيانا .. ويمكن دائما بأسئلته .. مره تجاوب عليه ومره تسفهه ..

واكثر الاوقات ماتلقي اجابه لاسئلته .. لانك في الحقيقه تجهلها ..

الطفل الداج

هذا الطفل مستحيل يجلس في البيت ..

يعيش في الشارع اكثر من بيته .. خبره ودليل في كل ممر وطريق ..

يعرف طول الشارع بالسنتيمتر .. من الممكن ان يصبح اذا كبر مهندس طرق ..

الطفل الملسون

يستانسون اهله على سوالفه .. فصيح جدا ..

ويلقط العبارات والمفردات بسرعة مذهله ..

يسبب احراج دائم لأهله .. ويمكن يقول كلمة بالغلط للضيوف او الاقارب ..

يتميز احيانا بقلة الذووق والوقاحة اذا انفعل ..

لا ينصح بأستفزازه ابدا ..

الطفل اللزقه

تلقاه مسنتر عند باب البيت .. محد يطلع الا هو لازق معاه ..

حتى الضيوف من الممكن تلقاه يلزق فيهم ويطلع معاهم ..

يا كثر ماينضرب .. وخاصه من اخوانه اللي اكبر منه .. او اخواته ..

لانه عباره عن رادار على طلعاتهم ..

احيانا يضطرون يطلعون من شباك البيت للهروب منه ..

ولكن للأسف يلقونه بانتظارهم في السيارة .. ويسألهم ليش تأخرتوا علي ..

الطفل الهادي

هذا الطفل ماله صوت ابدا .. وين ماتحطه تلقاه ..

احيانا يهملونه اهله .. لأنهم ناسينه ..

واحيانا يلقي اهتمام زائد من اهله ..

لو يموت من الجوع ماتكلم ..

في كثير من الاحيان تلقي اهله ناسينه بالسوق او عند الاقارب اثناء الزيارات ..

الطفل القوي

اهله دائما في احراج ومشاكل مع الناس ..

هرمون الاجرام مرتفع بنسبة عاليه في جسمه ..

في كل جبهة طفل في ( منطقتهم ) تلقي له أثر وتوقيع ..

يمثل القائد والفتوه ..يهابونه الاطفال ..

يتقرب منه الكبار ويتوددون له حفاظا على سلامة اطفالهم

اعتذر من الجميع لو حدا تضايق منى ولكن هذه مزحه واسفه انى طولت عليكم
اتمنى التفاعل مع الموضوع

reem · 04-07-2008, 12:03 AM

الطفل الهادي

هذا الطفل ماله صوت ابدا .. وين ماتحطه تلقاه ..

احيانا يهملونه اهله .. لأنهم ناسينه ..

واحيانا يلقي اهتمام زائد من اهله ..

لو يموت من الجوع ماتكلم ..

في كثير من الاحيان تلقي اهله ناسينه بالسوق او عند الاقارب اثناء الزيارات ..

شخصيات اطفال جميله بنتظار جديدك

عبدالمجيد أحمد · 04-07-2008, 12:19 AM

sendrella

الطفل القوي

اهله دائماً في احراج و مشاكل مع الناس ..

هرمون الاجرام مرتفع بنسبة عالية في جسمه ..

في كل جبهة طفل في ( منطقتهم ) تلقى له أثر وتوقيع ..

يمثل القائد والفتوه .. يهابونه الاطفال ..

يتقرب منه الكبار ويتوددون له حفاظاً على سلامة اطفالهم ..

sendrella · 04-07-2008, 04:04 PM

اقتباس:

المشاركة الأصلية كتبت بواسطة reem

الطفل الهادي

هذا الطفل ماله صوت ابدا .. وين ماتحطه تلقاه ..

احيانا يهملونه اهله .. لأنهم ناسينه ..

واحيانا يلقي اهتمام زائد من اهله ..

لو يموت من الجوع ماتكلم ..

في كثير من الاحيان تلقي اهله ناسينه بالسوق او عند الاقارب اثناء الزيارات ..

شخصيات اطفال جميله بنتظار جديدك

اشكرك ريم علي التواجد
شرفني المرور

sendrella · 04-07-2008, 04:07 PM

اقتباس:

المشاركة الأصلية كتبت بواسطة عبدالمجيد أحمد

sendrella

الطفل القوي

اهله دائماً في احراج و مشاكل مع الناس ..

هرمون الاجرام مرتفع بنسبة عالية في جسمه ..

في كل جبهة طفل في ( منطقتهم ) تلقى له أثر وتوقيع ..

يمثل القائد والفتوه .. يهابونه الاطفال ..

يتقرب منه الكبار ويتوددون له حفاظاً على سلامة اطفالهم ..

ههههههههههههههه
امبين عليك اخي عبد المجيد
شرفني مرورك