الانطواء:
الفتاة التي تربط شعرها وتشده خلف اذنيها في لغة الشعر يعني انها انسانة انطوائية تميل الى العزلة, حريصة ولا تعطي ثقتها بسهولة,وجدية لحد كبير.
بساطة:
الفتاة التي تلعب بشعرها وترفعه بأصابعها حتى يظهر جزأ من عنقها يدل على أنها تكره كل ما يقيد حريتها ,تميل الى البساطة في مظهرها وتعاملاتها وتحب ربط العلاقات مع الناس .
جاذبية:
الفتاة التي تلف شعرها حول اصبعها غالبا ما تكون تحب جلب الأنظار اليها,تتحكم فيمن تحب من الناس,وتحب أجاذبيةوتحب أن تمدح.
دلع:
الفتاة التي تدخل أصابعها في شعرها وتعبث به تتمتع بالدلع والتلقائية وتحب المغامرة والتحدي.
زيت جوز الهند في البيت.. طبيعي 100%
الوصفـــــة:-
هاتوا حبة جوز الهند أو كيس جوز الهند المبشور اللي تحصلونه في الجمعيات او في المطاحن كيلو او أكثر على حسب اللي تبونه ...
وتييبون مطحنه يدوية مالت الخضراوات .. و قدرين..(جدرين)..
القدر الاول: النارجيل المطحون تصبين عليه ماي وتخلين الماي يغطيه...
القدر الثاني:خالي وخلي المطحنة فوقه..
ركزوا ياحلوات خذوا شوي من النارجيل الي في الماي وحطوه في المطحنة اليدوية طبعا تحت المطحنه قدر وأكيد العصارة كلها بتنزل في القدر وكملوا لين ماتخلص الكمية وردوا صبوا ماي على النارجيل مرة ثانية وكرروا العملية من اول ويديد واذا خلصتوا بعد كرروها ... بعدين خذي العصارة هاي وحطيها في الثلاجة في الفريزر كم ساعة وعقب طلعوها بتكون زيت وماي.. بتلاحظون إن الزيت كميته قليله جداً مقارنةً بالماي وبيكون متجمد عكس الماي.. بعدين خذوا الزيت هذا وحطوه في جدر ثاني صغير وحطوا الجدر عالقز اممممممم المسمى الثاني للقز امممممم يعني عالفرن مب في الفرن خخخخخخخخ طبعا على نار هادية وملاحظة مهمة جدا لازم تكونون واقفين عند القدر عشان الزيت مايحترق.. والحكمة من وضع الزيت عالنار هو أنج تتأكدين ان الزيت خالي مافيه ولاقطرة ماي فيوم تحسين إن الزيت هذا خلاص مافيه ماي (موية) تشلينه خلاص.. وخليه شوي يبرد يعني ربع ساعة تمام وصبيه في القراش عندج.. وإذا حبيتوا حطوا وياه محلب مطحون أو قطع العنبر الاسود أو بدون شيء عادي بس عشان الريحه يعني....
وآآآآآآآآخ تعبت .. سلامتكم ياجماعة الخير.. والله الطريقة سهلة وتراها بيتية 100% و واااااااايد زينه وهذي طريقة الوالدة ام سيف ومانبا شيء منكم غير انكم تدعولنا وان شاءالله تخبرونا بالنتايج الطيبة .. واللي مافهمت شيء تقولي وانا من عيوني مبشره حلوة وطبيعيه
المكونات
حليب ابل طازج
عسل نحل طبيعي
مويه ورد
الطريقه
تخلط ملعقه عسل مع فنجال صغير حليب ابل لازم ابل وتوضع على بشرة الوجه او الجسم
لين تنشف انا احطها حوالي نص ساعه واذا نشفت قبل زودت عليها مرة ثانيه
بعدين افركي وجهك بيدك شوي مو كثير وغسلي بمويه بارده وجيبي قطن وحطي مويه ورد وامسحي على وجهك
معرفة شخصية النت فى لغة الشعر
العرض العادي
