الشغالة وحكايتها مع الجات وه......
أوقات وأنت بتشرب القهوة تسرح وتتذكر شغلا صارت معك
و بترجع فيك ذاكرتك لشي عشر خمسة عشر سنه لورا
أشيا بتبكيك لمّا تتذكرها واشي بتخليك تضحك ضحك لتشبع لدرجة انو اليّ بيجي عليك على غفلة وأنت بتضحك لوحدك بيقول عنك (مجنون ما لو هدا بيضحك لوحدوه) ههههههههههه بصراحة هذا اليّ حصل معي اليوم الصبح
كنت عم بشرب قهوة وفجأة سرحت لشي عشر سنين مضوا
كان ابني حسون عمرو أيام يعني بيبي صغير ما بيحكي بس بيبكي ويرضع وينام....... وهون حكايتي بدت؛؛؛ مدة الحكاية يوم مش اكتر ..
المهم في تلك الفترة مدة إقامة الشغالة عندي انتهت وكان لازم أسفرها سرلنكا
الشغالة طلية فترة إقامتها في بيتي ما سرقت شي ،
لا فلوس ولا ثياب ولا شي كانت بجد مثال للأمانة ولا مره شعرت انه في البيت في حاجه نقصت ...
المهم ..... نكمل الحكاية ولا مليتووووووو
أكيد نكمل مو معقول أقطعكم من أول الطريق ههههههه.
.......قبل ما تسافر الشغالة في يوم
اجت طلبت مني طلب غريب فعلا ما كنت متوقعته ،،طلبت اسويلها جاتوه
أنا مثل ما بتعرفوا وأعوذ بالله من كلمة أنا طيوبه مو معقول خدمتني الشغالة كل هالفتره وارفض هيك طلب !!
فعلا سويتلها الجاتوه . وأنا حكيتلها احشيها بالكريما والفواكه إليّ بتحبيها وتركتها تكمل شغل في الجاتوه وأخذت البيبي ورحت مركز التطعيم علشان حسون يأخذ الجرعة بموعدها
لما رجعت القيتها منتهية من التزيين والجاتوه في الثلاجة مغلفه جاهزة كل شي تمام .....
هي طبعا على نية تأخذها معها سرلنكا.
وفعلاً خلص النهار،،، والمسا الساعة ثمانية كان لازم اخذ الشغالة للمكتب توقِّع أوراقها وخليتها تحمل شنطتها في السيارة علشان ثاني يوم تكون بالسيارة جاهزة (ما بعرف كيف ربنا ألهمني هيك) وفعلا وصلنا المكتب وأنهت كل المعاملات وكل شيء
وفجأة صاحب المكتب بيحكيلي لازم لورا(الشغالة) تطلع المطار حالا طيارتها عشره في الليل مو بالنهار،، أنا استغربت كيف الوقت تغير وما معي أي مجال ارجع البيت وشنتطها بالسيارة!! فرصه أوصلها المطار واخلص من هالقصه
وفعلا ركبت السيارة وتوجهت للمطار والشغالة بلشت تبكي وتصيح
أنا بصراحة( فعّيت فيها )يعني صرخت عليها .
ليش البكاء شو مالك ؟شو فرقت اليوم و إلا الصبح المهم تسافري ؟!؟!
أنا نسيت موضوع الجاتوه إليّ سوتها في البيت.
فاقترحت عليها نشتري جاتوه من السوق وخلاص
وفعلا اشتريتلها جاتوه بس مع هيك ما عجبها وكانت تبكي ومعصبه وتترجاني يا ماما ويا ماما
الوقت ما كان بصالحي معها ،،،ما في مجال ارجع البيت
ووصلت المطار وفعلا كان موعد طيارتها عشره ليلاً
سلمتها الجاتوه والشنطه ورجعت البيت...............
اوووووووووووه تعبت حكايتي شكلها طولت يا ترى أكمل ؟ ولا استكفيتو؟
بس الحكاية رح تحلا الحين لأنه في مفاجأة انتوا مو متخيلينها..
ممممممممممممممممم............
معناها لازم أكمل الحكاية ههههههه اضرب شو بجاكر أنا
أترككم عند لب الحكاية وفكاهتها وأوقف أكيد مو معقولة أنا .
المهم .... أخذت الجاتوه ورحت أسهرت عند ناس قرابتنا
وسهرنا سوى وعند تقديم الشاي أجا موعد تقطيع الجاتوه
وهنااااااااااااااا تكمن المفاااااااااااجأه....
قطعنا أول قطعه أجا واحد من قرابتنا يأكل طلع بتمو خاتم
اجيت اقطع قطعه ثانيا في شي معدن شبك بالسكين ...
حاولت اخرج القطعة اشي غريب مشبوك فيها
طلع سنسال .... انا اندهشت وانصدمت وكأنها صاعقه كبرى اجت علي
هو ابكي فرح ولا احزن ولا شووو بالضبط ما عرفت شو اعمل
شغالتي السرنكيه إليّ كنت امدح فيها بين كل الناس مثال للأمانة والشرف استنت آخر يوم إلها عندي كرمال تسرق كل الصيغة إلي كانت عندي ....هالمره حكايتي غريبة مضحكه بس بتخلي ّ الواحد بحياته ما يأمن لشغالة بتدخل البيت ولا زم يكون حريص حتى لو كانت شغالة أمينه لأنه إلا تضعف نفسهم بيضلوا أجانب وغربا وما منهم أمان اطلاقا
وهاي طبعاً نصيحة بوجهها لكل ست بيت
بس المشكلة الأكبر لما نظفت الصيغة ياربي شو دعيت على الشغالة لأنو جد هلكتني بتنظيف الذهبات
هههههههههههههههههههههههههههههه
وكان طبعا يوم ما بينتسا .
وأنا تذكرت هذه الأشياء وأنا بحتسي فنجان القهوة وكنت فارطه ضحك ع الموضوع بس ما حدا شافني وحكا مجنونه
ههههههههههههههههههههههههه
يارب تكون عجبتكم هالمره الحكايه لأنها جد غريبة من نوعها
حصريا لمنتدى عرب توب ملك روحي(سما)
الشغالة وحكايتها مع الجات وه......
بلا جاتوه بلا هم
العرض العادي
