منذ فتره ليست بطويله كتبت هذه المقاله تحكي عن مشاكل الموضفين ومعاناتهم وكتبتها بلهجه شعبيه واسلوب شعبي ساخر لأزرع البسمه في قلوب الناس وليتمسكوا بلمحة من التفاؤل
وهي حصريا لمنتدى عرب توب بقلم ملك روحي (سما)
اليكم المقاله ارجو ان تنال اعجابكم
*** نصيحة لموظف غشيم!!!!
الموظف!!! آخخخخخ منك يا موظف شو بتتذمر...
إلك سنه بتِشْكِ وبتصيح وما حدا معبرك !!!
شو بدك آه؟؟ودايماً مشاغب بتعمل إضرابات ومش عاجبك العجب !!
ولك اسكت وأهمد، واحمد ربك، إلي صاححلك مش صاحح لغيرك !!أنت هون بنعمه ...
آه ه ه ه بتسألني أنا، شو هي النعمة؟؟ احكيلك،،، أول شي : أنت عندك وظيفة لازم أتبوس أيدك وش وقفا عليها ،
هي أول نعمه!!!
في غيرك بيتمنوا يلاقوا هاي الوظيفه ،،روح شوف أهل مصر ملايين عم بتتخرج من جامعاتها، و ما في وظايف الهم والبطاله معبيه البلد عندهم !!
ولاّ لو شوف إفريقيا المجاعة ذبحتهم.. انت لسّا ما جعت بس لما تجوع بتصيح وبتتذمر وبتتأفأف على كيفك !!! لحظتها بكون معك حق تصيح !!
هاي كمان نعمه!!!هي صاروا ثنتين يا ويلك من الله ؛؛؛؛شو ظالم الحكومة أنت!!وبتِشْكِي من قلة الرواتب ،بس مو مقصرين ربنا الله، وأنا اشهد إنهم عم بعطوكم سُلَفْ كل أكم شهر..وشو بدّك كمان ؟؟ صحيح انك ما بتنعط وش يا موظف!!! وبعدين أنت وشطارتك بصرف السلفه إليّ بتاخذها!!
يعني مو ضروري بس تقبض تشتري وتتشبرء،يا موظف يا غشيم، وفِّرْ قرشك الأبيض ليومك الأسود.!!!يا موظف بديّْ أعطيك نصيحة أو طريقه كيف تصرف هاي السلفه بحيث ما تخس كثير وتتبحبح وتوفر منها كمان ..شو رأيك؟ موافق؟
أكيد موافق!! وأنا من هبلي بسالك كمان ؟أول شي يا موظف بتقبض السلفه من هون خبيها وما تورجيها لحدا ، أوعى يا مسخمط يحسدوك ويطرقوك بمئة عين لأنو مش الكل بيحصل عليها .خبيها بجيبتك وفل ع البيت ،حتى مرتك ما تورّيها السلفه لأنها بدها تطلب وتتطلب وما رح يبقى منها شيء . لمّا بدك تشتري أغراض هي الدكان واللحام والخضرجي وبيّاع الغاز كلهم أهل حارتك وساكنين جنبك سجل ع الدفتر ولا يهمك.. و ما تمد أيدك ع السلفة أوعى. ولمّا بدك تروح الشغل اصحا قبل بساعتين وروح امشي بتلَّيِن عضلات جسمك أكيد لازمك رياضه لأنك دايماً مدلل حالك بالتكاسي والسرفيس .وبعدين أكيد بزماناتك ما كنت تصوم وأنت صغير . المفروض تصوم ،أنت وعيلتك يوم بعد يوم من شان تسد الأيام إلي علي.ومنها بتوفر ، وبتضرب عصفورين بحجر واحد!!!
لاحظ يا موظف انك للان ما مديت أيدك ع السلفه. هلاء لمّا بدك تحس انك حامل فلوس وتفرح على حالك ادخل غرفتك وسكِّر الباب عليك بالمفتاح كويس وطلِّع فلوسك شم ريحتهم وابتسم و أدّ ما فيييييك
اضحك ولا يهمك!!!! لأنها السلفه ما نقصت ،وأنت صرت معدّي بنصف الشهر، رجعهم مكانهم أوعى تضعف وتاخد منهم.وما تنس انك بتأخذ كل ستة أشهر سلفه لو صرفت منهم كيف بدّك تكمل بقية الأشهر بدون ما تشم ريحتهم وتبتسم وتضحك لشوفتهم؟؟ إذاً لازم توفر قرشك الأبيض ليومك الأسود وترد علي ..آخخخخخخخخ!! الله يقطع هال عيشه هو في أسود من هيك عيشه؟؟!!
أكيد إليّ قرأ المقالة ضحك علي... أدّْ ما فيك اضحك!! بيطلعلك.. أي حطّوا خيبتي و خيبتكم أمامكم واضحكوا لا تشبعوا الضحك ببلاش ما تخافو ا!!!!
نصيحة لموظف غشيم!!!!
العرض العادي
