قالوا ترى مالك امل في قربها لو يوم
ابعد وجنب دربها ..هذا هو المقسوم
قلت اتركوني واسكتوا..خلو العتب واللوم
قدني غرقت في بحرها..ولاعاد يفيد العوم
قالوا ترى في حبها ويل ..واسى..وهموم
قلت ان قتلني حبها ..حسبي تقول مرحوم
قالوا انسى ذكرها..منتب بها ملزوم
قلت ابشروا ياعذلين..بنسى لذيذ النوم
قالوا بتلقى غيرها..واترك هواها اليوم
قلت العفو ياحاسدين ..ما ابدل القمر بنجوم
قالوا لغيرك حبها..قلت الجواب مفهوم
دام انها متهنيه..وشلون اصير محروم
بقضي الليالي انتظر..صابر على المقسوم
متعلق بطرف الأمل .. يمكن يجيني نوم
رائعه من روائع عبد الرحمن بن مساعد
قالوا ترى
العرض العادي
