بعد السلام .. كيفكم يا بشر ؟!
كنت قاعد بفكر " وطلع معاي انه لازم كل واحد فينا يكتب قصة ب أسلوب فكاهي
أو كيف ما تيجي تيجي
..
تحية طيبة وبعد ...... !!!
الحج صبرك رحمة الله عليه تعبان وزهقان وطهقان ومتدايق ونعسان وحزين ومبسوط ومحشش
وسكران وهادي ومعصب ومعطوب وفرحان والوضع تمام التمام ...ومحشش رباني ودايخ ومصحصح .......
كابسة معي مش عارف شو اسوي قلت خليني اروح اشرب قهوة من عند عمك ابو طاهر ...
و
انا بالطريق واذا بشوووووووووووف بنت تقبرني شو شقفة بتطيش على المي ما علينا .....
وانا تقيل ( 100 طن ) نضرت عليها بطرف عيني والا هي كمان بتنضر علي ........ ( شمطت
بالعمود ) وهي صارت تضحك تئبرني هالضحكة متل ضحكة هيفا ..... بكليب بوس الواوا
طبعا انا ما لحقتها ولا عرفت وين بيتها اكيد لا ....
المهم عرفت وين بيتها ... ( اخوها بطل المملكة بالكونج فو ) ما علينا .....
رحت على عمك ابو طاهر ( تاجر مخدرات وحشيش ولوازمه من المواد المنزلية ) صاحب القهوة
جابلي كرسي وكنت متردرد ( متردد ) احكيله ولا ما احكيله عن القصة ......
بس اتخذت قراري وحكيتله .....
طبعا بصفته خبير بالبنات وديونجي معه شهادة من الجويدة !!!!
حكالي اروح على باب بيتها بكرا واضل امشور بالبسكليت ( الهمر ) واعمل حالي بحكي تلفون ......
المهم رحت وانا معي البسكليت المجنط والمزبط بالسيستم ( زينتو من عند تبع الاعراس ) ما علينا ....
ولا عليكم بطولة السلافة
ضليت امشور سطرت الشارع دهاب واياب 100000000 مرة انها تطلع على الشباك ما طلعت .....
ضليت للمغربيات ....
قبل الادان بشوي قلت خليني اروح افطر ( صايم انا )
المهم روحت وانا متدمر بسمع لهاني شاكر اغنية احيانا ( مش لحسن بلاك كتاب حياتي )
وصلت البيت وتزلغطت سم الهاري وشربت كاس سبيرتو ......
وقعدت على هالبلكون بتشمس ( كنت بتفرج على جارتنا بتجنجن )
المهم ........
فجأة بدون سابق انذار لقيت البنت نفسها الامورة الكمر الجميلة الاورجينال .....
ماشي مع واحد طويل وجنتل الهي ما يوعا البعيد .....
لحقتها .... ولحقته ( كل ما يطلع علي اعمل حالي مش شايفهم ) ......
لما وصلو البيت .... ( مش تنكيسة لكن كانت ساكنة بالتسوية يعني فش بلكونة )
بس هي اكيد شافتني لما لحقتهم لانه الحب بالاشعاع بنتقل ....... في الاوساط الحارة ....
بدكو الصراحة رخصت اه رخصت بس وشرفي بتحل عن حبل الغسيل ........
ضليت مزروع على باب العمارة والا الشب الجنتل بطلع من بيتهم ..... ( ضرتي )
رحت عليه بكل عين قوية وقلتلو .....
يا خال ممكن جزء من الدقيقة دخلك ......
اجا وهو محنش علي .....
قلتلو كيفك يا كبير .....
قلي تمام يا صغير ......
ما علينا ....
قلتلو انت اخدت اشي الي ( ازعر انا )
قلي شو اخد من حضرتك انا .......
قلتلو حب حياتي وعمري والارض اللي بعيش فيها قيقوعة حياتي ........
حكالي شو بتقول مش فاهم ......
قلتلو البنت اللي كنت انت عند اهلها هلا هادي بحبها وبدي ازبطها ......
حكالي قصدك عن اختي ( طلعت اختو )
بعدين اتفاهمنا سلمي ( دبك على وجهي ) .....
هربت لعند ابو طاهر الله يخليلنا اياه .....
اول ما حكيتلو القصة قلي حلك عندي وفقعني صاروخ ممنوعات عشان انسى .....
المهم حكالي انه لازم اشوفها واحكي معها بالشارع قلتلو كيف ما انا بستحي وهادي اول تجربة
الي قلي لا تخاف قوي قلبك ....( ديو )
رحت يا كبير وضليت انطرها محل ما بتمرق ....
مر يوم يومين تلات اربع خمسة وما طلت شمس الحق ........
المهم اتدمرت وضربت حالي موس من الدان للدان ودقيت على كتفي الحب لا يعرف المستحيل ( اخوها هو المستحيل )
بعد كم يوم اجت البنية الصبية القمر ومرت من قدامي ( نقلت التخت على الشارع انا )
لحقتها والبنت ما كذبت خبر دابت فيي وصارت تئرط من شدة الارتباك والخوف ( انا شخصيتي قوية )
ما علينا اعطيتها رقم تلفوني ( للمعجبات خدوه من الكنترول )
وهداك اليوم ضليت ماسك التلفون على امل ترن ......
واخيرا رنت علي .......
رديت عليها واتفقنا نطلع مع بعض ( قصدي شريف ) انا معيش كريديت كان .....
المهم اخدتها يا معلمي ورحنا على السميساني ( بالسين ) وقعدتها بالسلطان وبلشنا ندردش.....
طبعا ما حدا قدي انا ......
سالتها عن اسمها .....
طلع اسمها زريفة .... عاشت الاسامي .......
دبت انا بدبديبها ....... حبيتها من مركز القلب تبعي ......
( تعبت من الكتابة انا )
صرنا نحكي مع بعض يوميا ً ( 36 ساعة باليوم ) اتعلقت فيها واتعلقت فيي ........بملاقط
غسيل ........ ما علينا .......
بعد كم اسبوع رحت على صديقي ابو طاهر وبوستوووووو عشانه ساعدني على معرفة الطريق الى
زريفة .......
حكالي نفسو يشوفها .....
طبعا انا حطيت ايدي على راسي (عشان اتاكد انو ما طلعلي قرون ....... )
الحمد لله ما في اشي سليم وضعي ....
قلتلو ماشي ...... ( زي اخوي هوة )
جبتها معي ومرقنا من قدام القهوة رنيت عليه بالعقل عشان ييجي يشوفها ....
فجأة !!!
والا هي بتحكي ولييييييييييي ابو طاهر
وهو بحكي وليييييييي زليخة ( طلعت كدابة ) اسمها زليخة
قالتلو : حبيبي ابو طاهر لا تفهمني غلط هاد اخوي عني ( حكيتلها بعقلي اخرسي انا اختي اشرف من الشرف ) بمزح .....
قام ابو طاهر ووجهو مولع نار وعروقه تصبصب دم بقوة هائلة .......
انا كنت بستعد للهرب ( مهي طلعت حصتو ) وقام شد شعرها وكبسها كف عدل حواف الجزيرة العربية المتعرجة بوجهها ........
وهجم علي وانا حاولت اضربو ( اهرب ) عشان قدام زلمتي ......
عنترة وضرغام وعبلة ....
المهم بلعني سناني كبسولات 500 مضاد حيوي .....
وانفضحت بالحارة ( انا زلمة مهم ) .......
وابو طاهر اتجوز البنت عشان يقهرني وما عزمني
بس رحت ببسكليت وحطيتلها اغنية وائل جسار اعزريني يوم زفافك ........
توتة توتة خلصت الحتوتة ..... بتمنى ما اكون طولت عليكم بقصة وفاتي ......
والا احكيلكم انا حر بطول عكيفي ........
الحج صبرك ( مسطول مكافح)
للاستفسار اتصل على الهاتف المجاني ..... 1333
عبر عن مشاعرك .. بقصة
العرض العادي
