حمد!ن بن ر!شد
لا تغرك ضحكتي وإلا أسلوبي
أعرف أعزاز النفوس من الرديه
كم وفوا لي ناس وكم ناس اغدروا بي
كم كسبت بطيب نيه سوء نيه
ناس من كثر المخادع ماتتوبي
وناسٍ بياض وصداقتها نديه
وناس نغلتني وناس أغلت جيوبي
وناسٍ اطالع ولا كأنها عميه
كل هذا والجروح تزيد صوبي
والمجامل والتملق والخطيه
مايغير ضحكة الوجه الرحوبي
مد يمناه دون ماهي موسميه
ودي يني أعطي المحتاج ثوبي
وآعطي ولا أنتظر رد العطيه
بجمع العالم ولا قول اسمعوا بي
نفسي من أطراه خلق الله غنيه
في بعض الأشياء أتقدم وأنوبي
عن بني آدم جميع وعن بنيه
سجدةٍ تغفر بها كل الذنوبي
خير من عيش الحياة القاحليه
ياما سولف بي على الطرق الكذوبي
عاقب الله من ظلم نفسٍ بريه
يا صحيب الخير يا مثبت طنوبي
بالنصيحه روح لي مال القويه
الصحيح من العيوب اللي تشوبي
قولها في الوجه والنيه مطيه
بارك الله في من أهداني عيوبي
وأشكره جداً على هذه الهديه
لا تغرك ضحكتي وإلا أسلوبي
أعرف أعزاز النفوس من الرديه
كم وفوا لي ناس وكم ناس اغدروا بي
كم كسبت بطيب نيه سوء نيه
قصي
العرض العادي
