صـــدى ذكــــرى
حبيـت اسلـي خاطـري بالسواليـف
مليت مـن كثـر الدراسـه وطفشـان
مابيـن تعـداد ومـثـال وتعـاريـف
وارسم جهاز الهضم في جسم الإنسـان
حالت ضروفي دون وصل المواليـف
لـو كـان قلبـي للمواصيـل ولهـان
الله يعيـن أهـل القلـوب الملاهيـف
اللـي لهـم بالحـب قصـة وعنـوان
عهدي بخلاني من الصيـف للصيـف
ياشيـن توديـع المحبـيـن لاحــان
لاتحسب الدنيا تجينـي علـى الكيـف
أجاري الدنيـا علـى قـدر الإمكـان
الحال لاتنشـد كمـا حالـة اصطيـف
والقلب مـن عقبـك زلازل وبركـان
قولوا لمن ولى عـن القلـب ياحيـف
ليه أعلن الثورة على حكـم طهـران؟
مرات أنا ضيفه ومرات هـو الضيـف
واليوم هـد الأعمـدة بعـد الأركـان
شرفتنـي بالحـب والـود تشـريـف
واليـوم تعلنهـا نهـايـة وهـجـران
الحـب ماهـو يأهـل الحـب تكليـف
بالطوع وألا ماعلـى القلـب جبـران
ماحدن جبر ليلى على قيـس بالسيـف
هي حبتـه فـوق القرابـه والأخـوان
إن غبت عن عينـي يعذبنـي الطيـف
وان جيتني عم الفـرح كـل الأوطـان
صدق الشعور اسمى من الكذب والزيف
في ذمتي مانسـى عناقـك بالأحضـان
رسايلـك زادت عـلـي التحاسـيـف
تبقى صدى ذكرى علـى كـل ماكـان
حتى عظامـي تشتكـي والغضاريـف
الله وكيلـك كـل مافيـنـي احــزان
القـلـب غلفـتـه وزدت التغالـيـف
يحرم علي الحـب مادمـت خسـران
قلبي غدى ربحه مثـل بنـك تسليـف
يعطي ويتجازى مـن النـاس حقـران
ياكيـف يادنيـا المحبـيـن ياكـيـف
نهايتي صارت كمـا اعـدام بـرزان
صدى الذكرى
العرض العادي
