شعر بنت تزوج حبيبها

[صقر كريشان]

جاني الخبر يا صاحبي واظلم الكـــون
قـــدام عــيـني ثـم نـطـقـــت الـشـهـاده

على العـمـوم اقـولـها الف مـليــــون
مـبـروك مـن قـلب شكـالـك ابـعــاده

مـبروك لا يهمـك سـوالـيف وضـنــــون
مــن عـاشــق يـهديك فــرحة فــــــؤاده

سـو الفرح اليوم وابليس مــلعــــون
واللــي يشــب الــنار يـجني رمـاده

انـا اول العـالم على القصر يلفــون
اول مـعـازيم الـفـرح والــحـــــداده

ابشر انا برقص على العرس بالهــــون
كـــــل يـعـبـر فــــرحـته بـــاجــتــهـاده

لــو الـبلا رقـــصي يقولون مزيـــون
الــمــشكله الــقــلب يــفـضـــح وداده

يـوم العذارى في دخـولـك يغنـــــــون
وعــروستك باحلى ثــواني السعـــاده

كـنت اتـمنى بـــدالــهـا والـله اكـــــون
واحـط انـا كـفي تحت راسك وســــاده

وشلون ابكتم صرختي يوم تمشـــــــون
تـكــفى .... خــذنـي للعــروسه قــــلاده

حتـى مـعازيـم الفرح قاموا يمشـــــون
واصبـــحت انـا وحدي بدون استفــاده


وطـفو عـلي الـنور مـن غـيـر يـدرون
قـصر الـفرح يا قـبــر(مـنيرا) ومهاده

وصـيتي لو جــاك بـنت وانــا امــون
سمـيتـها لي (مـنيرا) قـبــل الــــولاده