أدري غصـب يامنية الروح زفـوك
لـغيـري ولا بـاليـد يابنـت حيلـه
بأرخـص ثمن ياللأسف كيف باعـوك
مـن غير شـورك يجبـرونك حليلـه
غـرتهـم الـدنيـا نسـوك وتحـدوك
مـا قـدرو دمـع العـيـون الظليلـه
ظلـم وجهـل أهلـك تـمادو وعنـوك
ويـن العـدالة ويــن سلـم القبيلـه
باب الوصـل باسبابهـم صار مصكوك
وش عـذرهــم إلا (فلـوسك قليلـه)
ضـاقت ابعينـي عـبرتي يوم هنـوك
ضـاعت حلـولي والصبر مات حيلـه
حبـي وحلمـي احتـضر..آااه نـادوك
قـدام عيـني يصـرخ الحـلـم ويلـه
دربـي معـك مـابه حشا زيف وشكوك
درب الخـطـأ مرضـاه أنـا والرذيلـه
بمـشـي دروب وعـرة كلهـا شـوك
بـرد لـك بعـض الوفـاء ياالأصيلـه
عـشتـك باحسـاس مـتيـم ومملـوك
مـشغـول بالـي والمشـاعـر دليلـه
يبقـا الأمـل بيـن المـحبيـن مشبوك
دستـور يبقـى بـيـن خـل وخليلـه
أبشـع جريـمـة شفـتها يوم باعـوك
ماهـان أشـوفك في حيـاتـك ذليلـه
غــــرتهم الــدنيا
العرض العادي
