قصيده يخاطب فيها زوج حبيبته

[كآسبر الأمرآء]

اليوم جايب لكم قصيده جناااااااااااان

وهي واحد جاي يخاطب زوج حبيبته في ليلة زواجهم

شوفوا وش يقول له
ابد ماجيت ابارك لك ولكن جيت باوصيك
على الله ناوي(ن) تدخل بها الليله معذبتي
ترى لولا الظروف الي عطتك وحدت محاكيك
قسم بالله ماتدخل عليها لو على رقبتي
ولكن النصيب اقوى ولا ادري ويش اسوي فيك
نعم صارت معزبتك ولاصارت معزبتي
كذا شاءت بنا الاقدار تحرمني لجل تعطيك
كذا لازم عشان تفوز انت انا اخسر بتجربتي
تراها غاليه جدا وتكفى والله يخليك
تدللها..تدلعها..تنسيها مصاحبتي
انا من كثر مااغليها احس اني بديت اغليك
ولا تسأل باية حق والا وش مناسبتي
لانك لو بتسألني بتسمع شي مايرضيك
لذا ياخوي لاتسأل ولاتسمع اجوبتي
ابيك تحطها في داخل عيونك وبين ايديك
وهي دلوعه اعتادت على كثرة مداعبتي
فداعبها شوي شوي حتى تشتهي طاريك
وشاغبها الين تقول بطل من مشاغبتي
واذا هي مالها خلقك ولاتضحك ولا تسليك
تحملها واسألها ياعمري ليه عصبتي؟
وبالك اسمع انك يوم تضربها وهي تشكيك
مايحتاج اوري لك بفن الضرب موهبتي
صحيح انك بتملكها ومعك العقد بالتمليك
وانا عارف حدود الله ومن حقك معاقبتي
ولكن قل لها المجنون وصاني وهو يعنيك
يقول انه بينتظرك لو شيب وشيبتي
وانا مجنونها الي مانساها وانت مايمديك
تغطي ذكرياتي في هواها ربع تجربتي
احس اني تماديت بكلامي والغضب حاديك
ولوانك في مكاني ماتفكر محاسبتي
كفاك اني تركت الليله اشغالي عشان اجيك
دخلت القاعه برجلي ولاادري ويش عاقبتي
وانا ماجيت اخرب عرسك الليله ولاآذيك
اناجيت عشان اخاطبك واسمع مخاطبتي
توصى وانتبه واحرص عليها والله يهنيك
ترى كل الكلام الي طلع من ضيقي وكبتي
ولكن ماقدرت اني اقوله وانت مايخفيك
اخاف اني اذا قلت تقوم وتقطع رقبتي.