قبل اسافر كنـت جالـس في زمان الانتظار
....................ارتشف هـمّ المكان وكل همّي حاجتيــن
كنت خايف من يباس وكنت خايف من خضار
.................... كنت أخاف انك تجين وكنت خايف ماتجين
لين شفتك من ورى بيبان صالات المطــار
....................مقبله من كثر شوقك كنت أشوفك تركضين
مرةٍ ركضــك يمين ونـظرة عيونك يسـار
....................ومرةٍ ركضك يسار ونظرة عـيونك يميـن
تايهه ماكنـّـك إلاّ : ضحكةٍ وسط انكســار
....................ساكته ماكنّــك إلا : دمعةٍ فيـها حنـين
خايفه وجله حزينه .. يعني كنتي باختصـار
..................."تشرحين لكل جاهل معني كلمه " عاشقيـن
بعدها جيتـك ولدّت عينـك ودار الحــوار
....................من كفوفي دمعتين ومن كفـوفك دمعتيــن
كنت اصـدّ وكنتـي انتي ثايره مثل الشرار
....................! ماعلى لتغة لسانك غير كلمة وين ؟! وين؟
واذكر اني رحت قبل ابدي لك اية اعتـذار
....................رحت حتى قبل اطيـّـب خاطرك في كلمتين
لكن انتي عارفتني زين واللي صار صـار
....................سامحينـي واذكـريني قد ماانتي تقدريــن
اذكريني لاانتهت لـ( الشمس)رحله مع نهار
....................واذكريني لا صحى للصبح ورد الياسميــن
واذكرينـي لا لمحتي في ليالي البرد نــار
....................واذكريني لا سمعتي للمطر صوتٍ حزيــن
اذكريني.. واذكريني .. واذكريني.. باختصار
....................اذكري " فهد المساعد " قد ماانتي تقدريــن
مـــــــــــــــنقول
قبل اسافر كنـت جالـس في زمان الانتظار
العرض العادي
