سوالف حصيديه ،،، شو بدك بكثرة الحكي ،،،فوووت

[ازميرالدا]

سوالف من قاع الدست


نقوط

يعني زمان، كان الواحد يتزوج بكل بساطة، بدهاش صالات و بيت ايجار و ديجيتال ريسيفر ومش عارف شو، راس مالها لبنتين فوق دار اهلك، وحصيرة وفرن طابون، ومشوار على الاحوال المدنية،

بس مع مرور الوقت، صارت الشغلة اصعب، واذا مش قد حالك، معناتو بتقعد في داركو وبتستنا يجيك العدل (بفتح الدال)
وهون بيجي دور النقوط، واللي صار الو دور اهم من العريس نفسه (مع انه بتعب هاد التاني )، وعشان تضمن نقوط محرز، بدك تراعي كتير شغلات:
1- تعملش العرس باخر الشهر، ما حادا بتطلع بسحنتك.
2- اعمله مختلط، الشباب بتستحي، واللي بدوش ينقط بينقط.
3- تعملوش خلال رفع البنزين والمحروقات، مع انهم برفعوه كل 3 دقايق، بس دبر حالك.
4- اذا عملت العرس بالصيف، بتضمن كل افراد العيلة المتغربين ييجو، بس برضه الصالات بالصيف اغلى بالضعف، صفت هي هي.
5- حاول تعزم اللي معهم مصاري، مش ضروري صحابك المقحطين ييجوا، بتورجيهم صور العرس وخلصت فكّت، اصلن هادول بيجوا ياكلوا جاتوه ويشربوا بيبسي، ويا حبيبي اذا غلطت وعملت بوفيه، كل واحد منهم بجيب العيله كلها، قال ايش: "والله حبّوا يفرحولك"
6- كما تدين تدان ولو بعد حين
يعني بحبح ايدك لما تكون معزوم على اعراس اللي بتعرفهم، بلا من 10 ليرات يا سيدي.

المصيبة، انك في الاخر رح تصرفهم لما تنزل على شرم الشيخ ولا مونتينغرو، بشهر عسل، يعني مطرح ما هناك صار شوسموه!!

ناس بتفهم
هاد الشي كتير ملاحظ بالشعب تبعنا، بيفهم بكل اشي اسم الله حولو، من الكتكت تبع ماسورة الحمام، لسياسة جورج دبليو بوش بالشرط الأوسط، شو ما حكيت، بينطلك واحد بيقولك "غلطان!" الشغلة كيت كيت كيت كيت، واذا كنت فاهم شوي بالموضوع، او بلشت تفهم، بتبطل فاهم اشي.

والمشكلة، انه احنا كتير فريندلي سمتايمز، يعني بتشوف جارك وانتا طالع، بسألك "عا وين يا جار" بتحكيلوا " والله رايح اجيب واحد ايزبطلي هالماسورة" بجحرك وبيقولك " يا زلمة هيي صنعة، هسه بنسوكجلك اياها" وبروح بيفكفك كل اشي في براغي، بتصفي عايش بسيل الزرقا مش بداركو، وفي الاخر بيقولك: "اه والله، شكلوا بدها واحد شاطر" .. يا فرحتي، بيكفي القهوة والشاي اللي صفقهم.

ويا حبوا بالسياسة، كلها بتحكي سياسة، يعني لو ابو نورس، الشوفير تبع باص رغدان – السلط رقم 29، كان محل صدام حسين ايام الحرب، كان مش بس هزم الامريكان، وبيجوز رجّع فلسطين بطريقه



نراكمـــ في سالفه أخرى قريبا جدا
أبقو معنا

[ramy]

أختى زوزو

صح لسانك فيما نشرتى لنا

الله يعطيك العاااااااااااااافيه كلاااااااااام ممتاااااااااز ورائع

وتسلم ا يدك أختى ز و ز و

وتقبلى مروري على سوالفك الجميله

وننتظر جديد سوالفك بكل حب

[ازميرالدا]

اقتباس أختى زوزو صح لسانك فيما نشرتى لنا الله يعطيك العاااااااااااااافيه كلاااااااااام ممتاااااااااز ورائع وتسلم ا يدك أختى ز و ز و وتقبلى مروري على سوالفك الجميله وننتظر جديد سوالفك بكل حب

اسعدني كتير مرورك وتواجد الدائم في كل موضوع
بكتبه اخي رامي
وان شاء الله بتفهم الي بكتبه لاني بكتبه بالغه العاميه الاردنيه

وان شاء الله تعجبك السوالف الجايه

[ازميرالدا]

السلام عليكم ورحمة الله

صبااح الخير ,,, مساء الخيرات ,,, يا اخواني واخواتي

سولافه اكييد شفتوهاا وانتا رايح او رايحا على الجامعه

او نزلتو على السوق او تمشيتو في حديقه

يعني للامانه مهزلة من الاخر ..... واختصر بلاطولة حكي

سوالف حتى لو دخلوا جحر ضب لدخلناه

كثير من الاشخاص المؤثرين في حياتنا ... نتبعهم ... ونقتدي بهم لتاثيرهم علينا وعلى نمط حياتنا .

التقليد ...
اشي بيعجبك بتقلده ... تصرف يعجبك من شخص ما .. بتقلده .
شخص كبير ... حكيم .. صاحب رأي سديد .. بنحاول نقلده بتصرفاته عشان نكون مثله بحكمته وحنكته ورايه .

شفنا ناس عندهم بيت حلو .. مصممينه بطريقه معينه وجذابه .. مش غلط نقلدهم ونكتسب منهم الخبره .

لكن التقليد في حياتنا .. كعرب أخذ منحنى آخر .. وأخذ اتجاه مختلف تماما .
صرنا نقلد كل شي . وأي شي بدون تمييز . صح ولا غلط ؟؟
بيناسب مجتمعنا وحياتنا وثقافتنا وعاداتنا او ما بيناسب ؟

كل شي بنقلده ... الريموت كونترول بايدنا .. وبنقلب محطات .

طلعت انجلينا جولي مكنفشه شعرها ولابسه بلوزه كم آه وكم لأ ...
بكره بتلاقي بنات البلد كلهم نفس الكنفوشه .. وقاصين اكمام بلايزهم وبتصير عندك موضه .
قال موضة أنجلينا جولي ... بتعئد .

وطلعت بالسوق فتره من الفترات جلابية نانسي عجرم ، وبسكليت روبي ومنشفة اليسا ويا ربي عفوك

بيكهام (الله لا يخلف عليه بالقول اللي جابه بالاكوادور) بطلع عحالق على الصفر ولابس بنطلون مسحول لفوق ركبته بشوي .
شبابنا الاشاوس بيشوفوه هيك بطير ضمان عقلهم . عل الصالونات ..
" بدي قصة بيكهام " واصحاب الصالونات ما بيصدقو ... عالشفره ... وعيش يا كديش هيك صرت زي بيكهام .

بالله شو هالقدوه العظيمه اللي بنقتدي فيها ... سواء ممثلين او ممثلات او مطربين او عارضات ؟
حدا بيقدر يحكي انه الشخص اللي بيقتدي فيه هو القدوه اللي بده يكون زيها ويقابل ربه زيها؟

مين هو بيكهام .. وايش الانجاز العظيم اللي حققه على الصعيد البشري عشان نقتدي فيه .

ومين هي ناعومي كامبل ولا كاميرون دياز عشان بناتنا يقلدوها ؟؟؟
هسا أي وحده من بناتنا المحصنات ... بتحب تكون زي كاميرون دياز مثلا ؟؟؟؟ جسدها مستباح وعرضها بيزفتو فيه الشوارع ؟

بس خلص .. المهم نقلد ... مش مهم مين .. ومش مهم كيف .. المهم نقلدهم بغض النظر عن كينونتهم .

قال الشيخ عائض القرني في درس من دروسه
أخذنا منهم القيتار والسيجاره *** وما عرفنا كيف نصنع السياره

فعلا .. يا ريتنا بنقلدهم بدراساتهم .. وابحاثهم .. وغزوهم للفضاء ... ومحاولاتهم لاكتشاف اشياء مفيده للبشريه كعلاج للامراض المستعصيه وغيره وغيراته .

بس لا ... ما بنوخذ غير السموم اللي بيبثولنا اياها .
يا ريت كل واحد فينا يركب فيلتر ...

وقبل ما يدخل مخه اشي ويتشربه يعمله فلتره .. يشوف هذا الاشي بيناسبنا ولا ما بيناسبنا .
لانه حال شبابنا صار مزري ...

بناطيل مسحوله ... حلق بالاذن .. قصات شعر غريبه عجيبه واسماءها اغرب واعجب . بلايز جماجم وميتاليكا وابصر ايش .....

صدق رسول الله عليه الصلاة والسلام

" لتتبعن سنن من كان قبلكم حذو القذة بالقذة .. حتى لو دخلوا جحر ضب لدخلتموه "

صدق رسول الله عليه الصلاة والسلام


نراكمـــ في سالفه أخرى قريبا جدا
أبقو معنا