لا تعتـذرلا وربـي منـت معـذوري
أكبر من العذر جـرحٍ هـز وجدانـي
اصبحت بأسبابك محطـم ومكسـوري
عسى مصابي بحبـك آخـر أحزانـي
طلعتني ياكحيـل العيـن مـن طـوري
غلطتـك ماكانـت فبالـي وحسبانـي
أخذت قلبي بنجـل عيونـك الحـوري
سودٍ يظلـل هدبهـا بيـض الأوجانـي
فتنتني كنـت معجـب فيـك مبهـوري
عن طبعك الشين طاغي زينك أعمانـي
جيتك من أقصاي باحساسي وبشعوري
يوم اعتبرتك حبيبـي كنـت غلطانـي
خلاص عفتك ولاني فيـك مجبـوري
ما نيـب بكيفـك تواصلنـي وتجفانـي
اليوم انـا مـن حياتـك ينتهـي دوري
دور بدالي وشـف لـك واحـدٍ ثانـي
اببتعـد لـو فراقـك فـوق مقـدوري
وان جاب ذكرك لساني بقطـع لسانـي
لا صرت جرحي ونفس الوقت دكتوري
أهون لي الموت من ذلـي وحقرانـي
في كل الاحوال ما قصرت مشكـوري
أستاهل الجرح منـك وكـل ماجانـي
استاهل الجرح
العرض العادي
