قصيدة مؤثرررررررره فعلاً ( ممكن تقروها ) ؟؟

[حلم السنين]

السلام عليكم ورحمة الله وبركاته

هذه قصيده مؤثره وتحكي عن موقف غريب عجيب لا يحتمل


أترككم مع القصيده وأتمنى تعجبكم : )

على الموعد بلهفه جيت لا مانع ولاتأخير00
لفيت من العصر هايم مع ان الموعد المغرب
وجتني بس انا مدري شعرت الجيه هذي غير00
وهي تقرب من عيوني شعرت ان الممات اقرب
وقلت:الله يهونها عسى في جيتك لي خير00
انا من شفتك اقبلتي وانا خايف ومستغرب
على كثر الحكي مدري كأنه خانها التعبير
00قالت لي جمل واشياء لا تكتب ولا تعرب
هدت فجأه تطالعني وانا في حاجه التفسير00
لجل نحكي بهدوء اكثر سألت الحلوه وش تشرب
فصاحت بي انا احبك ولك في هالحشا تقدير
00وتدري ان المثل فينا وفي احساسنا يضرب
صحيح انك وفي وانك بريء من تهمت التقصير
00ولكن ذي عوايدهم من ايام وزمن يثرب
تكون البنت لأبن العم ورغبات الكبار تصير00
وتدري الأقربون اولى مع انك للخفوق اقرب
وتدري للقدر كلمه لعادات الأهل تأثير
00لذا ارجوك تتركني وانا من دنيتك باهرب
شعرت بحكيها كنه قصاص وامر بالتعزير
00شعرت بالدنيا ضاقت بي من المشرق ليا المغرب
مشت خلت وراها طفل مايعرف وش التدبير00
يحسب ان الغرام اشعار شاعر واغنية مطرب
ضحكت وماقدرت اني ألاقي لضحكتي تبرير00
من اللي بوقتنا مره ضحك من لدغة العقرب
رفضت استوعب اللي صار ولا استسلمت للتغيير00
ثمان سنين اجي نفس المكان بحزة المغرب
برغم ان الثمان سنين جرح وكلفتني كثير00
انا لليوم اجي وادعي تجي يارب تجي يارب0


تقبلوا تحياااااااتي

[reem]

كلمات تصل من القلب الى القلب

خطها قلم متميز همسات جميله اطفت على القصيده

رونق الحب والشوق والبعد والاقاء كما عهدنا قلمك الراقي

تحياتي حلم السنين

[حلم السنين]

مشكوووووووووووره خيتووو ريم
ع المرور الطيب
تحياتي الك

[شلال من حب وعواطف]

الله......كلمات تعذب وربـــــــي والله انك رائـــــــــع وفريــــــد من نوعــــــــ.,.,.ــــــــك.تقبل مروري اخوك شلال

[حلم السنين]

مشكووووور خيوووو شلال

ع المرور الطيب
احترامي