قالوا امدح شيخ ولا امدح وزير
لجل تكسب من مديحه فايده
قلت انا في خير واحوالي بخير
ليه ادور شي ماني رايده؟
ادري ان ما للكبير الا الكبير
الرجال تقاد ولا قايده
اكره اثنين: المنافق والحقير
تستغل طيب الرجال الرايده
ان مدحت امدح وانا وجهي سفير
مدحةٍ للحق ماهي سايده
وكانها ماجات من قلب وضمير
مدحتي ذمه بحقه كايده
وش علي ان صاد له طيرٍ يطير
لاهو بطيري ولاني صايده
من خلقني الله احب اكون غير
ماحب اكون حاجه زايده
الفقر ماعذرب اخلاق الفقير
في السنين الحاضره والبايده
فالزمن اشياء تعني لي كثير
التمام الشمل حول المايده
ومنظر البسمه على الطفل الصغير
في نهار العيد يوم تعايده
قلتها عذري يصير اللي يصير
كل راسٍ يرتخي لوسايده
انتبه وياي للبيت الاخير
اسمعه مني ولاني عايده
تدري وش معناة الرجل الحقير
من يصاحب رجل لجل الفايده
اتمنى ان تنال اعجابكم منقوووووووووووووووول من احدى المنتديات( للامانه)
قصيده اعجبتني للشاعرثامر بن شبيب (اكره اثنين)
العرض العادي
