[align=center]
]~×~شــ×ــريــط مــ،ــن أفـــ×ــكـاريِ~×~[/color]
اليوم بعضي (شتات) و بعضي (مجمع)
من ليالي الدهر و الي حصل فيها
جلست أراجع (شريط افكاري) و اتتبع
و اوقف على فكره و فكره اعديها
حتى شعرت ان همي قام... واتفرع
ما ماتت عروقه و لا مات ساقيها
تجيني مسبباته جيت مصوع
واسكب لها دمع عيني... لأجل اقهويها
يا حيرتي ...يوم أشةف الناس تتمتع
و انا مجنب عن المتعه وطاريها
أرد نفسي عن الرغبات و اتمنع
مخافه اخسر محبه عشت أداريها
رغباتي كثار ...و الانسان يتطمع
بس الطماعه... يا حظ الي يخفيها
يا لايمني ...تمعن زين و اتطلع
إقرا عيوني قبل ما الوقت يعميها
بعض الملامح لو تكابر و تتقنع
تبقى تعبر عن النفس و مأسيها
أبغي اجامل و اساير معك و اتصنع
لكن لي العذر بإشيا ما أسويها
إن كان ريقك غدى بالماي متشبع!!
ريقي نشف من تناهيد أقاسيها
هي و اللله اني غديت اليوم متروع
أرسم وجوه التفاؤل ..و أرجع امحيها
في الصدر.. (فرحة لقا) و( تلويحه مودع)
تناقضاتي ياليت أعرف تاليها
من ماضي الوقت ..لين الحاضر... أتوجع
و الله يستر من أيام بقضيها!!!
ما أقول عن حالي أنه حال متمزع!!
حالي مجمل... و أوري رمت أمشيها
غير البلا ...بين كل اللي به مولع
في خاطري حاجه وعاجز أضويها!!
الحظ كإنه نزل... بيكون متسرع
و إذا نوى يطلع ...الخطوه يبطيها
ودي أغلق دروب الضيق و آشرع
درب السعاده وعيش اصفى لياليها
واخط شعر يريح القلب ...و ابدع
دام أملك الكلمه لزوم أوفيها
ماجيب (سوق الشعر) شاري و متبضع!!
جيته مورد بيوتي مع قوافيها
موب قصيدٍ... للبيع لكن حين تتسمع
اللي سمعها كأنه صار راعيها
أقسم شعوري إلى أجزاء و أتنوع
وأسكن مشاعر.. لحقها الموت و أحييها
متعود أعطي.. ولا أرقب شي يرجع
لأن العطيه بساطتها تحليها!!
محتار ..!!إني ليش!! بديت لنفسي اتشفع؟
أرفع عيوني لفوق... وثم أوطيها؟!
وليش ان توطت؟! ولا لي نيه ادمع؟!
عينٍ تبكيني وعين أبكيها
ما دام... بعضي شتات.. و بعضي مجمع
معناتها ..دنيتي.. باقي أمل فيها
~×~(وسـلامـتـكـمـ)~×~[/align]
~×~شــ×ــريــط مــ،ــن أفـــ×ــكـاريِ~×~
العرض العادي
