قــــســــوة .......!!

[حلم السنين]

قــســــوة

ليه إذا حبيتك أكثر..زدت قسوه

وأن دريت بحاجتي لك...زدت جفوه

وأن عطيتك من حياتي ماتريده..ماكفاك

تحسب أن الحب...نزوه

والله إني ياأحب الناس..أحبك

والله إني الروح لو ترضيك..فدوه

والله إني تارك(ن) غيرك..وجيتك

مزعل الزعلان والعذال..عنوه

كل دقة قلب فيني لك قصيـده

تكفي الدنيا مع الأحباب غنوه

وكل هاجس مايجيب إلا خيالك

سلوتي بالعمر في صحوة وغفوة

أجمع إحساسي وأشواقي وأجيــــــــــلك

والبس ثياب الهوي والعشق كســــــوه

انتقيلك من سواليفي حسنها

والقصايد من غزلها...كل حلـــوه

وانثر العبرات والضحكات عندك

تآخذ اللي تلتقيلك فيه سلوى

وأذكر الله كل ماشاهدت حسنــــك

أشهــد إنك فوق عرش الزين ذروه

ماقصدت بكل هذا أتجمل ....

أو أقول إني أحق الناس حظــــــوه

أدري إني عادي ومافي ميزه

وأدري إني كادحن..ماحاش ثروه

وأدري إني في خريف العمر ماضي

مابقي بيني وبين القبـــــــر خطــــوه

لكن إني صادقن فيما أقوله

واطلب من الله عن الزلات عفـــوه

شعر

خالد الفيصل